ಬೆಂಗಳೂರು: ಹಣ್ಣು, ತರಕಾರಿ ಸೇರಿದಂತೆ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ರಾಜ್ಯದ ಜನರು ತತ್ತರಿಸಿ ಹೋಗಿದ್ದಾರೆ. ಟೊಮೇಟೊ ಬೆಲೆ 100-150 ರೂ.ನಂತೆ ಮಾರಾಟವಾಗುತ್ತಿದೆ. ಬೆಲೆ ಏರಿಕೆಯ ಬಿಸಿಯಿಂದ ಕಂಗಾಲಾಗಿರುವ ರಾಜ್ಯದ ಜನತೆಗೆ ಮತ್ತೊಂದು ಶಾಕ್ ಎದುರಾಗಿದೆ.
ನಂದಿನಿ ಹಾಲಿನ ದರವನ್ನು ಪ್ರತಿ ಲೀಟರ್ಗೆ 3 ರೂ. ಹೆಚ್ಚಳ ಮಾಡಲಾಗಿದ್ದು, ಇಂದಿನಿಂದಲೇ ಪರಿಷ್ಕೃತ ದರ ಜಾರಿಗೆ ಬರಲಿದೆ. ಜುಲೈ 21ರಂದು ಗೃಹ ಕಚೇರಿ ಕೃಷ್ಣಾದಲ್ಲಿ ಸಿಎಂ ಸಿದ್ದರಾಮಯ್ಯನವರು ರಾಜ್ಯದ ಎಲ್ಲಾ ಹಾಲು ಒಕ್ಕೂಟಗಳು ಹಾಗೂ ಕೆಎಂಎಫ್‌ ಅಧ್ಯಕ್ಷರ ಸಭೆ ನಡೆಸಿದ್ದರು. ಈ ಸಭೆಯಲ್ಲಿ ಪ್ರತಿ ಲೀಟರ್ ಹಾಲಿಗೆ 3 ರೂ. ಹೆಚ್ಚಳ ಮಾಡಲು ನಿರ್ಧಾರ ಕೈಗೊಳ್ಳಲಾಗಿತ್ತು. ಅದರಂತೆ ಇಂದಿನಿಂದಲೇ ಹೊಸ ದರ ಜಾರಿಗೆ ಬರಲಿದ್ದು, ಗ್ರಾಹಕರ ಜೇಬಿಗೆ ಹೆಚ್ಚಿನ ಹೊರೆ ಬೀಳಲಿದೆ.
ಯಾವುದರ ಬೆಲೆ ಎಷ್ಟು..?
1. ನಂದಿನಿ (ಟೋನ್ಡ್ ಹಾಲು) ಅರ್ಧ ಲೀಟರ್ಗೆ 23 ರೂ. ಹಾಗೂ 1 ಲೀಟರ್ಗೆ 43 ರೂ. ಆಗಲಿದೆ.
2. ನಂದಿನಿ (ಡಬಲ್ ಟೋನ್ಡ್ ಹಾಲು) ಅರ್ಧ ಲೀಟರ್ಗೆ 22 ರೂ. ಹಾಗೂ 1 ಲೀಟರ್ಗೆ 41 ರೂ. ಆಗಲಿದೆ.
3. ನಂದಿನಿ ಶುಭಂ ಅರ್ಧ ಲೀಟರ್ಗೆ 26 ರೂ. ಹಾಗೂ 1 ಲೀಟರ್ಗೆ 48 ರೂ. ಆಗಲಿದೆ.
4. ನಂದಿನಿ ಸ್ಪೆಷಲ್ ಅರ್ಧ ಲೀಟರ್ಗೆ 26 ರೂ. ಮತ್ತು 1 ಲೀಟರ್ಗೆ 48 ರೂ. ಆಗಲಿದೆ.
5. ನಂದಿನಿ (ಸಮೃದ್ಧಿ) ಅರ್ಧ ಲೀಟರ್ಗೆ 27 ರೂ. ಹಾಗೂ 1 ಲೀಟರ್ಗೆ 51 ರೂ. ಆಗಲಿದೆ.
6. ನಂದಿನಿ ಹಸುವಿನ ಹಾಲು ಅರ್ಧ ಲೀಟರ್ಗೆ 25 ರೂ. ಹಾಗೂ 1 ಲೀಟರ್ಗೆ 54 ರೂ. ಆಗಲಿದೆ.
ಕಾಮೆಂಟ್‌ಗಳಿಲ್ಲ
ಕಾಮೆಂಟ್‌ ಪೋಸ್ಟ್ ಮಾಡಿ